Баспалы келісім-шарттар: медициналық бизнес автоматтандырылған бірлескен орындау шарттарын қайтаруға қол жеткізді
ҚР Ұлттық Кәсіпкерлер Палатасы медициналық қоғамдастықпен бірлесіп ТМККК/МӘМС шеңберінде қызметтерді сатып алуға бірлесіп орындаудың автоматтандырылған шарттарын қайтаруға қол жеткізді.
6 ақпанда «Әлеуметтік медициналық сақтандыру қоры» КЕАҚ «Бірыңғай төлем жүйесі» ақпараттық жүйесінде ТМККК/МӘМС аясында қызметтерді сатып алуға бірлесіп орындаудың автоматтандырылған шартын қалыптастыру мүмкіндігін алып тастап, оны өнім беруші жасаған бірлесіп орындау шартының баспа нысанына ауыстырды. Ауыстырудың себебі автоматтандырылған бірлесіп орындау шарты жаңа қосылу шартының талаптарына сәйкес келмейтін, сондай-ақ өнім берушінің бірлесіп орындаушылардың жұмысы үшін міндеттемелерін мойнына алған ескі үлгі бойынша қалыптасты.
ТМККК/МӘМС шеңберінде қызметтерді сатып алуға бірлесіп орындаудың автоматтандырылған шартын алып тастау нәтижесінде медициналық ұйымдар бірлесіп орындау шартын, оған қол қоюды, іс жүзінде бірлесе орындау шартының баспа нысанын қабылдауға әлі де дайын емес ақпараттық жүйеде сканерленген нұсқаны қалыптастыруда қиындықтарға тап болуда.
«Келісім-шартты тек баспа түрінде жасау процесі құжатта қолтаңбаны көрсете отырып, «БТЖ» АЖ платформасында ЭЦҚ шартына қол қою мүмкіндігінің жоқтығынан қиыншылық тудыруда. Ақпараттық жүйені алдын-ала пысықтаусыз бірлесіп орындау шартының баспа нысанын қолданудың ағымдағы жағдайы уақыт шығынына әкеп соқты әрі көптеген қателік орын алуда. Нәтижесінде медициналық ұйымдар бірлесіп орындау шарттарын баспа түрінде де жасай алмайтын жағдайға тап болды», - деді ҚР ҰКП Медициналық қызметтер департаментінің директоры Назгүл Қабдрахманова.
250-ден астам медициналық ұйым қатысқан жиын қорытындысы бойынша ӘМСҚ Республикалық электрондық денсаулық сақтау орталығымен бірлесіп, бір апта ішінде үлгі бойынша бірлесіп орындаудың автоматтандырылған шартын қалыптастыруда бұрын қолданыста болған функционалды қайтару жұмысын бастау туралы шешім қабылданды, ал ҚР ҰКП медициналық ұйымдармен, салалық қауымдастықтармен бірлесіп бұдан әрі бірлесіп орындау шартының бірыңғай шаблонын әзірлеу туралы шешім қабылдады.
Автоматтандырылған шартқа оралу медициналық мекемелердің қалыпты жұмысы үшін зор маңызға ие. Осылайша, аталмыш мәселені тез арада шешу медициналық ұйымдардың жедел жұмыс жасауына ықпал етеді.
Пікір қалдыру:
Пікірлер: